Արձագանքելով «Առավոտ» օրաթերթի երեկվա համարում հրապարակված «Բնապահպանության նախարարը գործարարին չի պատասխանում» հոդվածին՝ բնապահպանության նախարարության լրատվական ծառայությունից պարզաբանեցին հետեւյալը. «Վայոց ձորի մարզի Եղեգիս գետի վրա տրված ՀԷԿ-երի կառուցման կրկնակի թույլտվության հետ կապված ՀՀ բնապահպանության նախարարությունը տեղեկացնում է, որ ՀԷԿ կառուցելու համար ջրօգտագործման թույլտվություն ստացած «ԱլՌուբ» եւ «ՎՏՎ էներջի» սահմանափակ պատասխանատվության ընկերությունները չունեն ՀԷԿ կառուցելու իրավասություն, քանզի երկու ընկերություններն էլ չեն անցել բնապահպանական փորձաքննություն:
Մանրամասների վերաբերյալ, հատկապես նույն տարածքում երկու ՀԷԿ կառուցելու թույլտվության հետ կապված, ՀՀ բնապահպանության նախարարությունը առաջիկայում կտա մանրամասն պարզաբանում»:
«Առավոտ» օրաթերթ
