Լոռու մարզկենտրոն Վանաձորի Կարեն Դեմիրճյան փողոցում աչքի է զարնում, ճանապարհին կից ծառերի երկայնքով ձգվող նորակառույց պատը:
Վանաձորի քաղաքապետարանի քաղաքաշինոււթյան եւ ճարտարապետության բաժնի պետ Տիգրան Պապանյանը պարզաբանում է, թե կիսակառույցը ապօրինի շինություն է, կառուցվել է «Պրիզ» տաքսի ծառայության տարածքին կից: «Պրիզ տաքսի ծառայությանը տուգանք է նշանակված 400 հազար դրամի չափով, տուգանքը կվճարի, որից հետո քաղաքապետարանի մասնագետները կորոշեն արգելեն, թե թույլատրեն շինարարությունը»,- ասում է Տիգրան Պապանյանը:
Մինչ քաղաքապետարանի հանձնաժողովի ուսումնասիրությունը շինարարությունը շարունակվում է, իսկ կիսակառույցի պատը ձգվում` նոր ծառերի բանտարկման պատճառ դառնալով: Վանաձորում բազում շինություններ կան, որ կառուցվել են ծառերի հաշվին:
Նելլի ԴԱՎԹՅԱՆ
