Աշխարհի երբեմնի լավագույն թենիսիստուհիներից մեկը` գերմանացի Կլաուդիա Կոդե-Կիլշը, որ մարզական կարիերան ավարտել է 1999 թվականին, հայտարարել է, թե 1988 թվականի օլիմպիական խաղերի ժամանակ, զուգախաղերում իր ընկեր, աշխարհի նախկին թիվ մեկ ռակետ Շտեֆի Գրաֆը (նա Անդրե Աղասիի կինն է) կիսաեզրափակչի հանդիպումը դիտավորյալ հանձնել է մրցակիցներին: Նրա խոսքերով, թե Գրաֆը եւ թե նրա հայրը չեն ցանկացել, որպեսզի ինքն էլ օլիմպիական չեմպիոն դառնա:
Կոդե-Կիլշը, որ խաղացել է «Ռոլան Գարոսի» եւ Ավստրալիայի բաց առաջնության կիսաեզրափակիչներում, հաղթել «Ֆեդերացիաների գավաթում», «Ուիմբլդոնի» մրցաշարի եւ ԱՄՆ-ի բաց առաջնությունների զուգախաղերում, հիմա կանգնած է սնանկության եզրին: Նա հայտարարել է, թե կարիերան ավարտելուց հետո անցած ժամանակաընթացքում միլիոններն անհետացել են: Այս մասին տեղեկացնում է Tennisworldusa.org-ը:
Աշոտ ՀԱԿՈԲՅԱՆ
Կարդացեք նաև
|
