Հայաստանում մինչ բջջային հեռախոսների ի հայտ գալը՝ մարդիկ, հատկապես երիտասարդներն ապրում էին անհոգ, խաղաղ, մեկը մյուսի համար հասանելի, պարտաճանաչ, պատասխանատվության զգացումով լի եւ չէին էլ պատկերացնում, որ օրերից մի օր ձեռքները կընկնի առանց «լարի» հեռախոս, որի միջոցով էլ անհնարը հնարավոր կդառնա:
Սկզբում հատկապես ծնողներն իրենց զավակներին սկսեցին ապահովել բջջայիններով՝ նախեւառաջ իրենց հանգստության համար. մտածելով, որ այդպես ամեն վայրկյան հնարավորություն ունեն պարզելու իրենց զավակների գտնվելու վայրը, ուշանալու պատճառը եւ այլն: Երիտասարդներին, սակայն, այդ ամենն այնքան էլ չէր հուզում, նրանց հիմնական նպատակը՝ մոդայից հետ չմնալն էր:
Երբ բջջայինը նորամուծություն էր Հայաստանում, ոչ մեկի մտքով չէր անցնում անհասանելի լինել ինչ-որ մեկի համար, զբաղված լինել ու չպատասխանել զանգին, անջատել հեռախոսը, կամ տանը թողնել այն: Այժմ ամեն ինչ այլ է, մարդիկ հեշտությամբ չեն պատասխանում զանգին, երբ հավես չունեն, ամենահասանելի վայրերում արհեստականորեն անհասանելի են դառնում, հեռախոսը դիտավորյալ անջատում են, կամ տանը թողնում, իսկ այս ամենից հաճախ ծնողներն են տուժում: Այսպիսով, թե ինչ են մտածում ձեր ծնողները, երբ դուք բջջային հեռախոսին չեք պատասխանում, տեսեք նկարում:
Կարդացեք նաև
