Արթուր Աղաբեկյանը խոստանում է ոչ թե հեղափոխություն, այլ՝ «շիրխանյան» տեսակի վերացում
«Անկեղծ ասեմ, ինձ թվում էր, որ Վահան Շիրխանյան տեսակն արդեն վաղուց մահացել է եւ գոյություն չունի, ցավոք, այդ տեսակը դեռ կա:Դա տեսակ է, որը երբեք չհասկացավ, թե ինչ է անկախությունը եւ ազատությունը եւ, հավատացնում եմ, որ խոսքս կկառուցեմ այն սերնդի համար, որը շատ է սիրում անկախ Հայաստանի ազատությունը եւ գնահատում է մեր երկրի անկախությունը: Եվ եթե ցավ եմ պատճառելու բոլոր նրանց, ովքեր չգիտակցեցին, թե ինչ է նշանակում միջպետական հարաբերություններ եւ ինչ է նշանակում «ախպերություն՚», ապա, եթե անհրաժեշտություն լինի, այդ մարդկանց համար առանձին կխոսեմ այդ մասին: Հիմա խոսքս վերաբերում է շիրխանյան տեսակին, որը, ցավոք դեռ կա էս երկրում:
Խնդիրը հետեւյալն է՝ իմ խորին համոզմամբ, միջպետական հարաբերությունը չպետք է շփոթել դարավոր բարեկամության հետ: Դարավոր բարեկամությունը իր տեղն է ունենում միջպետական հարաբերությունների ձեւավորման գործում, հիմքում ունենալով նաեւ հետեւյալ հայտնի խոսքերը՝ չկան մշտական բարեկամներ եւ չկան մշտական թշնամիներ, կան մշտական շահեր, եւ մշտական շահերից է բխում այսօրվա Հայաստանի եւ Ռուսաստանի ռազմատեխնիկական համագործակցությունը, այն չի բխում դարավոր բարեկամությունից եւ սա չպետք է շփոթել: Այսօր Հայաստանի եւ Ռուսաստանի շահերը համընկնում են, որպեսզի գոյություն ունենա այն ռազմատեխնիկական համաձայնագիրը, որը ստորագրված է այս երկու երկրների միջեւ»,- «Առավոտի» հետ զրույցում ԱԺ դաշնակցական պատգամավոր, պաշտպանության նախկին փոխնախարար Արթուր Աղաբեկյանը հակադարձում է պաշտպանության նախկին փոխնախարար Վահան Շիրխանյանին:
Հարցազրույցը կարդացեք վաղվա տպագիր «Առավոտ»-ում:
