Թբիլիսյան թերթերն այսօր առաջին էջի ճակատային մասում երկրի նախագահ Միխայիլ Սահակաշվիլիին են դիմել հետեւյալ կոչով՝ «մի սպանիր մամուլը եւ թող կրպակները մնան Թբիլիսիի փողոցներում», տեղեկացնում է «Ինտերֆաքսը»:
Թերթի խմբագիրները այդ ակցիան բացատրել են նրանով, որ Թբիլիսիի վարչակազմը պատրաստվում է մինչեւ տարեվերջ փողոցներից հեռացնել բոլոր կրպակները: Այս պահին 150 կրպակներից մնացել է ընդամենը մի քանիսը: Ըստ վրաց լրագրողների՝ կրպակների քանդման որոշումը ոչ թե քաղաքային իշխանություններինն է, այլ անձամբ Սահակաշվիլիինը:
Ըստ «Ռեզոնանս» թերթի գլխավոր խմբագիր Լաշա Տուգուշիի, Թբիլիսիում թերթերի եւ ամսագրերի վաճառքի հետ կապված խնդիրներ կան եւ խմբագրությունները սնանկացման եզրին են:
Թբիլիսիի քաղաքապետարանը հայտարարել է թերթերի կրպակների տեղում նոր ապակե տաղավարներ տեղադրելու որոշման մասին, որոնք կտրվեն աճուրդով: Համաձայն աճուրդի կանոնների, փոքր եւ միջին գործարարությունը խթանելու նպատակով, նոր տաղավարներում, թերթերից բացի, կարելի է վաճառել սննդամթերք եւ այլ պարագաներ: Աճուրդները տեղի կունենա դեկտեմբերի 28 – ին եւ հունվարի 4-ին:
