ՀՀ վճռաբեկ դատարանի աշխատակազմը ծրարով «Առավոտին» է ուղարկել 4 թերթից բաղկացած «Վճռաբեկ բողոքը վերադարձնելու մասին որոշում»:
Այդ որոշումը մեզ հետաքրքիր կարող էր լինել, եթե առնչվեր «Առավոտին»:
Սակայն որոշմանը ծանոթանալուց հետո պարզվեց, որ այն կապ չունի «Առավոտի» հետ:
Այն ուղարկվել է Լեռնապատ գյուղի գյուղապետ Վանո Եղիազարյանին, ձեռքի հետ էլ՝ մեզ: Մինչդեռ որոշումը պիտի ուղարկվեր «Ժամանակ» օրաթերթի լրատվական գործունեությունն իրականացնող «Սկիզբ Մեդիա Կենտրոն» ՍՊԸ-ին: Գյուղապետը վիճարկել է իր պատվին, արժանապատվությանը, գործարար համբավին հասցրած վնասի հատուցման հարցը:
Կարդացեք նաև
Հիշյալ որոշումն առնչվում է նաեւ գյուղաբնակ Ղարիբ Միտիչյանի 2.000.000 դրամանոց արտահայտություններին, որը տպագրվել է «Ժամանակ» թերթի 01.09.2010թ. համարում: Ի դեպ, ընդհանուր իրավասության դատարանի վճռով հօգուտ գյուղապետի պետք է բռնագանձվեր 30 000 դրամ գումար:
Ռուզան ՄԻՆԱՍՅԱՆ
