Ռուսաստանի ԶԼՄ-ները, որոնք մեկնաբանելու են շախմատի աշխարհի կանանց թիմային առաջնությունը, գրում են, որ այսօր մասնակից հավաքականները ժամանել են Թուրքիա:
Լրատվամիջոցների փոխանցմամբ, Մարդին քաղաքում, որտեղ կայանալու են մրցումները, կազմակերպիչները ծաղիկներով են դիմավորել մասնակիցներին՝ այդպես իրենց երախտագիտությունն արտահայտելով բոլոր նրանց, ովքեր, ի վերջո, համաձայնեցին ժամանել մրցավայր: Հիշեցնենք, որ աշխարհի առաջնության նախնական ցուցակի տասը երկրներից չորսը փոխվել են վերջին պահին: Որպես փոխարինող երկիր Թուրքիա մեկնել է նաեւ Հայաստանի կանանց ազգային հավաքականը:
Աշոտ ՀԱԿՈԲՅԱՆ
