«ԱրմենՏել» ընկերությունը (ապրանքանիշը՝ Beeline) դարձել է «Կայմ» հեռուստաընկերության նկարահանած «Դուռը բաց» հայկական լիամետրաժ կատակերգական ֆիլմի գլխավոր հովանավոր: Բոլոր ցանկացողները կարող են դիտել ֆիլմը «Մոսկվա» կինոթատրոնում՝ սկսած դեկտեմբերի 17-ից:
Ֆիլմի ռեժիսորն է Ավագ Ավագյանը, որը հայ հանդիսատեսին հայտնի է որպես «Իմ սիրելի քաղաք Երեւան» ֆիլմի հեղինակ: «Դուռը բաց» ֆիլմի գլխավոր դերերում նկարահանվել են Հովհաննես Ազոյանը եւ Արսեն Գրիգորյանը: Բեմադրող օպերատորը Արտավազդ Խաչատուրյանն է, պրոդյուսերը՝ Հրաչյա Շմավոնյանը:
«Վերջին շրջանում հայկական կինեմատոգրաֆը հանդիսատեսին է ներկայացրել մի շարք հաջողված նախագծեր: Դա թույլ է տալիս նկատել ազգային կինոարտադրության վերածննդի միտումները եւ հուսալ, որ այս ոլորտում կլինեն նոր նվաճումներ: Մենք հավատում ենք, որ նոր ֆիլմը կդառնա հայ հանդիսատեսի ամենսիրվածներից մեկը, եւ Ամանորի տոների նախաշեմին կպարգեւի նրանց ուրախ եւ դրական զգացմունքներ»,- նշեց «ԱրմենՏել» ընկերության գլխավոր տնօրեն Իգոր Կլիմկոն:
«Առավոտ» օրաթերթ
