«Առավոտի» հարցին՝ եթե մի օր հայ-թուրքական սահմանին ռազմական գործողություններ ծավալվեն, ռուս զինվորը ինչո՞ւ պիտի պաշտպանի Հայաստանը, պաշտպանության նախկին փոխնախարար Վահան Շիրխանյանը հակադարձեց. «Այս ամենում ամենակարեւոր խնդիրը ռազմաքաղաքական եւ ազգային անվտանգության խնդիրն է: Պայմանագիրն ասում է, որ նրանք պարտավոր են այդ սահմանը պահել, եթե Թուրքիան հարձակվի Հայաստանի վրա: Եվ ոչ միայն 102-րդ բազայի ուժերով, այլեւ Ռուսաստանի զինված ուժերով, որոնք նման զարգացումների ժամանակ համապատասխան պլաններ ունեն: Այդ բոլորը ծրագրված է: Թե ինչպիսին կլինեն քաղաքական իրավիճակը, կոնյունկտուրան, ճնշումները, իրենք կիրականացնե՞ն՝ համաձայն պայմանագրի, թե՞ ոչ՝ միայն Աստված գիտե»:
