Ծագումով Տավուշի մարզի Դիտավան գյուղից, ներկայումս Տավուշի մարզկենտոն Իջեւանում բնակվող, գործազուրկ իրավաբան, անչափահաս 4 երեխաների հայր Դավիթ Սահակյանը չի ցանկանում օգտվել Ամանորի կապակցությամբ կառավարության սոցիալական օգնությունից՝ անապահով ընտանիքներին 3 շիշ ձեթ տրամադրելու վերաբերյալ:
Դավիթը լրատվամիջոցներից տեղեկացել է, որ այդ ձեթը 2009 թվականին Ռուսաստանի կառավարությունը մարդասիրական օգնություն է հատկացրել Հայաստանի արտակագ իրավիճակների նախարարությանը: Դավիթը մտավախություն ունի, որ բուսական յուղը կարող է ժամկետանց լինել եւ վնասել իր փոքրահասակ 4 տղաների առողջությանը:
Նշենք, որ ԱԻՆ «Արտակարգ ալիք» լրատվական կենտրոնի տնօրեն Նիկոլայ Գրիգորյանն այսօր Panorama.am-ին պարզաբանել է, որ այդ ձեթը ժամկետանց չէ: Նա բացատրել է, որ անցած տարի բուսական յուղը որպես մարդասիրական օգնություն Հայաստանին տրամադրել է Ռուսաստանը, եւ պահեստավորված ձեթի ժամկետը լրանալու է հաջորդ տարվա սեպտեմբերին:
Ոսկան ՍԱՐԳՍՅԱՆ
