Այսօր Պետեկամուտների կոմիտեի նախագահի տեղակալ Արմեն Ալավերդյանը լրագրողների հետ զրույցում հայտարարեց, որ Դիլիջան ազգային պարկից 22.5 հեկտար ՊԵԿ-ին վարձակալական հիմունքներով հատկացվելիք տարածքում կառուցապատում չի իրականացվելու, քանի որ այնտեղ զառիթափ է եւ պարզապես հնարավոր չէ քարը քարին դնել:
Հարցին էլ, թե ինչո՞ւ կառավարության վերջին նիստի օրակարգից հանվեց նախագիծը, պարոն Ալավերդյանը պատասխանց. «Օրակարգից չի հանվել, այլ որոշման մատուցման ձեւը պետք է փոխվի: Պետք է նշվի, որ այդ տարածքը ոչ թե տրվում է Պետական եկամուտների կոմիտեին, այլ մեկ ՊՈԱԿ–ի հաշվեկշռից փոխանցվում է ուսումնական կենտրոն՝ մեկ այլ ՊՈԱԿ–ի հաշվեկշռին: Այդ տարածքը հարյուր տոկոսանոց զառիթափ վայր է անտառածածկով: Մենք դա վերցնում ենք առանց կառուցապատման իրավունքի, եւ այդ տարածքում նոր ծառեր պետք է տնկվեն»:
Նշենք, որ վերջերս շրջանառության մեջ դրված այս նախագծում ՊԵԿ-ին հողհատկացում անելը հիմնավորված է հարկային, մաքսային եւ քաղաքացիական ծառայողների ուսուցումը, վերապատրաստումն ու սեմինարների անցկացումը այդ տարածքում կազմակերպելով:
Լուսինե ԲՈՒԴԱՂՅԱՆ
Կարդացեք նաև
