Երբ «Առավոտը» պատրաստում էր մոսկովյան «Միաբանություն» հայկական ազգային ակումբի ղեկավար Սմբատ Կարախանյանին վերաբերող հրապարակումը, ընթացքում մենք նաեւ օգտակար տեղեկություններ գտանք այսօր ՀՀ գլխավոր դատախազ Աղվան Հովսեփյանի ավագ օգնական եւ միաժամանակ ԱՊՀ-ում ՀՀ գլխավոր դատախազության ներկայացուցիչ
Կամո Ավագումյանի վերաբերյալ: Պարզվում է, թե բացի այն, որ նա Մոսկվայում հայտնի գործարար է, կամ Հայաստանում հայտնի է Իտալիայում ծագումով հայ «հեղինակություն» համարվող Դոն Պիպոյի հետ վերջերս խնամիական կապեր հաստատած լինելով, նա մեկ տարի առաջ հայտնվել է ռուսական մամուլի ուշադրության կենտրոնում: «Նովայա գազետայի» թղթակցի լրագրողական հետաքննական հրապարակման մեջ ՀՀ գլխավոր դատախազի ավագ օգնականը մեղադրվել էր կոռուպցիոն գործարքների, ֆինանսական մեքենայությունների եւ փողեր լվանալու մեջ:
Իհարկե, գոյություն ունի անմեղության կանխավարկած՝ առավել եւս, որ կոնկրետ Կամո Ավագումյանն իրեն հասցեագրված մեղադրանքների համար դատարանի առաջ չի էլ կանգնել ու չի դատապարտվել: Բայց միայն այն, որ այդ հրապարակումներում կասկածի տակ է դրվել ՀՀ գլխավոր դատախազի օգնականի եւ միաժամանակ ԱՊՀ-ում ՀՀ գլխավոր դատախազության ներկայացուցչի անունը, նաեւ, որ այդ ներկայացուցիչը քրեական «հեղինակության» հետ մոտ բարեկամական կապեր ունենալով հանդերձ՝ շարունակում է տվյալ պաշտոնը զբաղեցնել՝ նոնսենս է:
Կարդացեք նաև
Նաիրա ՄԱՄԻԿՈՆՅԱՆ
