«Անարդարությունը միայն իմ հասցեին չէ: Այս ամենը կատարվում է որոշակի մարդկանց մեջ չարության պատճառով ու փողի կարիք ունենալու ագահությունից»,- այսօր «Նարեկացի» մշակույթի կենտրոնում կայացած մամուլի ասուլիսի ժամանակ հայտնեց նույն կենտրոնի հիմնադիր ու «Ջի Էյջ Ստորիջ Էնթրփրայզիս» ընկերության տնօրեն Նարեկ Հարթունյանը:
Հիշեցնենք, որ նա ձերբակալվել էր դեկտեմբերի 9-ին՝ «Ջի Էյջ Ստորիջ Էնթրփրայզիս» ընկերությունում հարկային պարտավորություններից՝ 111 միլիոն դրամ, խուսափելու մեղադրանքով, սակայն դեկտեմբերի 13-ի երեկոյան ազատ արձակվեց:
Այսօր նա ասաց, որ գլխավոր դատախազն է որոշել վերացնել կալանքը, իսկ ՊԵԿ-ից իր ազատ արձակումը պայմանավորել են նրանով, որ պետք է դուրս գա, որպեսզի վճարի «իր վրա դրած գումարը»: Նրա խոսքերով, 111 միլիոն դրամի հարկային ակտն աբսուրդ է, եթե այն արդար լիներ, իրենք սիրով կվճարեին. «Վճարումներից չենք խուսափում, բայց մենք որեւէ հարկային պարտավորությունից չենք խուսափել»:
Նարեկ Հարթունյանի գործով զբաղվող իրավապաշտպան Լեռնիկ Հովհաննիսյանն էլ ավելացրեց, որ այդ պահանջված գումարները , որոնք պետք է վճարվեն բյուջե՝ հետեւում ոչ մի հիմք ու հաշվարկ չունեն:
Կարդացեք նաև
Թե ինչ պայմաններում են պահել նրան բանտում եւ ինչ սպասելիքներ ունի Նարեկ Հարթունյանը այս գործի ավարտից՝ կարդացեք վաղվա «Առավոտի» համարում:
Անուշ ԽԵՉՈՅԱՆ
