Նոյեմբերյանի քաղաքային գրադարանն ունի 29 հազար կտոր գրականություն: Նախատեսված է, որ գրադարանը պետք է սպասարկի միայն Նոյեմբերյան քաղաքի ընթերցողներին, սակայն բարի կամք ցուցաբերելով` գրադարանավարները գրքեր են տրամադրում նաեւ Նոյեմբերյանի տարածաշրջանի այլ համայնքների բնակիչներին, հիմնականում՝ ուսանողների: Քաղաքային գրադարանի տնօրեն Արմինե Նավասարդյանի վկայությամբ` գրադարանն ունի 518 մշտական ընթերցող, օրական սպասարկում է 8-10 ընթերցողի: Գրադարանն ունի 8-10 աշխատող:
Այսօր ընթերցողների սակավության պարագայում, գրադարանը կարող է հպարտանալ միայն գեղեցիկ շենքով: Շենքի կահույքը կեսդարյա հնության է, գրադարանը հանրապետական մամուլ չի ստանում, միայն մի համակարգիչ ունի, որը նախատեսված է գրագրության, հաշվապահության համար: Այստեղ դեռեւս չի մտցվել էլեկտրոնային գրացուցակների համակարգը:
Ոսկան ՍԱՐԳՍՅԱՆ
