Այս մասին տեղեկանում ենք Հայ դատի գրասենյակից: Մասնավորապես Ֆրանսիայի Հայ դատի գրասենյակի տնօրեն Հրաչ Վարժապետյանը հայտարարել է, որ ԵԱՀԿ Մինսկի խմբի համանախագահող Բեռնար Ֆասիեի վերջերս արած հայտարարությունները, թե «ես հասկանում եմ Ադրբեջանի ցավը: Այդ երկրի հողերը բռնագրավված են: Որպես ֆրանսիացի լավ եմ հասկանումՙ ի՞նչ է նշանակում բռնագրումը», հակասում են ԼՂ հակամարտության հարցում Ֆրանսիայի հավասարակշիռ քաղաքականությանը: «Այս եւ առհասարակ վերջին երկու ամիսներին Ֆրանսիայի ԱԳ կատարած երկու այլ հայտարարությունների առիթով մենք նախարար Ժյուպեից գրավոր նամակով բացատրություն ենք պահանջել եւ շտապ հանդիպում», հայտարարել է Վարժապետյանը: Հիշեցնենք,որ Ֆրանսիայի ԱԳ նախարար Ալան Ժյուպեն հայտարարել էր, թե Փարիզը կարող է հարթակ դրամադրել հայ եւ թուրք պատմաբանների հանդիպման համար` «քննարկելու 1915-ի ցավալի իրադարձությունները»:
«ԱԶԳ» ՕՐԱԹԵՐԹ
