Էրիկ Վայմայերը տեսողությունից զրկվել է 13 տարեկանում: Այնուհետեւ, միջնակարգ դպրոցում աշխատել է մանկավարժ, եղել ըմբշամարտի մարզիչ եւ բարձրակարգ ըմբիշ: Սակայն նրան ամենից շատ հրապուրել են լեռները:
Նա 2001 թվականին դարձել է աշխարհում առաջին կույր մարդը, որը ոտք է դրել Էվերեստի գագաթին, իսկ արդեն հաջորդ տարի նվաճել է Ավստրալիայի Կոստյուշկո եւ Ռուսաստանի Էլբրուս ամենաբարձր լեռնագագաթները: «Երբ ես մագլցում եմ, ձեռքերս են աչքերի դեր կատարում, – պատմում է Վայմայերը: – Մատներս մանրակրկիտ շոշափում են յուրաքանչյուր ապառաժ: Եվ երբ մի ձեռքով կառչելու քար եմ գտնում, մյուս ձեռքս ձգվում է առաջ` կառչելու նոր տեղ գտնելու համար»:
Իսկ ԱՄՆ Յուտայի նահանգից Պորտեր Էլլետի թեւն անդամահատել են չորս տարեկանում` ավտովթարից հետո: Չնայած դրան, երիտասարդը Ուեյնի միջնակարգ դպրոցի բասկետբոլային թիմի աստղն է եւ թիմը դուրս է բերել ավելի բարձր կարգ ունեցող մրցաշարեր:
Պորտեր Էլլետը նաեւ հիանալի բեյսբոլիստ է եւ միջին ու երկար մրցատարածությունների վազորդ:
Կարդացեք նաև
Աշոտ ՀԱԿՈԲՅԱՆ
