«Ոչ, ոչ, ի՜նչ ներողություն, ես ներողություն չեմ խնդրել»,- Aravot.am-ի հետ զրույցում հայտարարեց Սյունիքի մարզպետ Սուրիկ Խաչատրյանը՝ հակադարձելով Սիլվա Համբարձումյանի այն պնդմանը, թե նախաքննական մարմնին տված ցուցմունքում մարզպետը զղջացել է իր արարքի համար, իսկ դա, ըստ Սիլվա Համբարձումյանի, նշանակում է, որ ներողություն է խնդրել:
Մեր հաջորդ հարցին ի պատասխան՝ բավարարվա՞ծ է գործը կարճելու մասին նախաքննական մարմնի որոշումից, Սուրիկ Խաչատրյանը բավականին անտարբեր տոնով նկատեց, որ տիկնոջ դիմումի համաձայն գործ էր հարուցվել ու դա իր տրամաբանական ավարտը պետք է ունենար: Ապա ավելի ագրեսիվ տոնով շտապեց ավարտին տանել խոսակցությունը. «Իսկ դուք բավարարվա՞ծ եք…լավ, ես ժամանակ չունեմ, զբաղված եմ, հետո կխոսանք»:
Նելլի ԳՐԻԳՈՐՅԱՆ
Կարդացեք նաև
