ԱԺ պատգամավոր, ՀՀԿ խմբակցության անդամ Մանվել Բադեյանը երեկվա ասուլիսում հայտարարել է, որ նախորդ ընտրարշավներից մեկի ժամանակ իր դուռը թակել ու ընտրակաշառք են առաջարկել, ինքն էլ վերցրել է այդ ընտրակաշառքը եւ քվեարկել բոլորովին ուրիշ թեկնածուի օգտին։
Երեկվա ասուլիսում Բադեյանը այդ խնդրի առնչությամբ հետեւյալ խորհուրդն է տվել ընտրողներին. «Եթե (քաղաքացիների) դուխը հերիքում ա, թող ասեն (ընտրակաշառք առաջարկողին)՝ վերցրու եւ գնա… Եթե առհասարակ տղամարդ չես, վերցրու, բայց ուրիշին քվեարկիր»։ Մեր թղթակիցը այս կապակցությամբ հեռախոսով զրուցել Է Մանվել Բադեյանի հետ.
– Պարոն Բադեյան, գիտե՞ք, որ քրեական օրենսգրքում հոդված կա՝ ընտրակաշառք վերցնելը քրեական հանցագործություն ա։
– Շատ լավ ա, դա նաեւ ապացուցել ա պետք։ Ես կարամ շատ հայտարարություններ անել։ Լավ եմ արել՝ ասել եմ, հիմա էլ ասում
Կարդացեք նաև
եմ, որ չի եղել։
– Հիմա, դուք վերցրե՞լ եք, թե չեք վերցրել։
– ՉԷ, չեմ վերցրել:
– Բայց ասուլիսի ժամանակ հայտարարել եք, որ վերցրել եք եւ գնացել եք, քվեարկել եք ուրիշի օգտին։
– Չէ, եթե ուշադիր լսեք։
– Բայց ձայնագրություն կա։
– Եթե էդ ձայնագրությունը ուշադիր նայեք, ես ասել եմ՝ դիցուք, ինձ եկել առաջարկել են ինչ–որ մի թվին, իմիջիայլոց, եթե շատ ես ուզում լավ իմանաս, թե էդ որ թվին ա եղել՝ էդ եղել է 1995 թվին։
– Ու դուք վերցրել՝ գնացել եք, ուրիշի օգտի՞ն եք քվեարկել։
– Այո, այո։ Կարաս էդ գրես։
– Որ դուք 95 թվին վերցրել եք՝ գնացել եք, ուրիշի օգտին քվեարկե՞լ եք։
– Այո, այո, հենց ըտենց։
– Բա նոր ասում էիք՝ չեմ վերցրել։
– Վերցրել եմ 95 թվին։
– Ինչքա՞ն եք վերցրել, եթե գաղտնիք չի։
– Էն ժամանակ հազար դրամ էր։
– Հազար դրամ ընտրակաշա՞ռք եք վերցրել դուք, պարոն Բադեյան։
– Այո։
– Բայց ասուլիսի ժամանակ հինգ հազար եք ասել։
– Հա, կարող ա հինգ հազար էր, լավ չեմ հիշում։
– Ու հիմա, Աժ պատգամավոր լինելով, մարդկանց փաստորեն խորհուրդ եք տալիս հանցանք գործել, որը նախատեսում է մինչեւ երեք տարի ազատազրկո՞ւմ։
– 95 թվականին նման հոդված չի եղել։
– Բայց դուք հիմա եք խորհուրդ տալիս մարդկանց։
– Բայց ո՞վ ա ասել, որ վերցնելը արղեն իսկ հանցանք ա։ Այ, երբ քվեարկի նրա օգւոին, այդ ժամանակ հանցանք կատարած կլինի։
– Այսինքն, էսպես հասկանանք, եթե որեւէ չինովնիկի կաշառք ենք տալիս ինչ-որ գործողություն անելու համար, ինքը փողը վերցնում ա ու չի կատարում էն՝ ինչ պարտավորվում ա, նշանակում ա՝ ինքը կաշառակեր չի՞, հանցանք չի՞ կատարել։
– Եթե չի արել քո անօրինական պահանջը, նշանակում ա՝ ինքը կաշառակեր չի։
Հ.Գ. «Հժ»-ի հետ խոսակցության ընթացքում Մանվել Բադեյանը նաեւ պարզաբանել է, որ ինքը ընտրակաշառք վերցրել է եւ ուրիշի օգտին քվեարկել է ընտրակաշաոք բաժանողին իր իսկ զենքով պատժելու համար։ Այդ դեպքում զարմանալի Է, թե ինչու Է Բադեյանը հիմա ընտրակաշաոք վերցնողներին համարում «տղամարդ չգտնվողներ»։
Հ.Ս.
«Հայկական ժամանակ»
