Բելգիայի «Ռասինգ Մեխելեն» ֆուտբոլային ակումբի խաղացող, 27-ամյա Ջոնաթան դը Ֆալկոն հրաժարվել է ֆուտբոլային կարիերայից ու սկսել նկարվել պոռնո ֆիլմերում՝ ընտրելով Ստանի Ֆալկո էկրանային անունը:
«Ես առաջ ընկերուհի ունեի, սակայն միշտ էլ տղամարդիկ ինձ ավելի շատ են հետաքրքրել: Եվ դա ես երբեք չեմ թաքցրել, – պատմում է նախկին ֆուտբոլիստը: – Նոր աշխատանքն ինձ բազում հաճույքներ է պատճառում եւ արդեն պայմանագրեր ունեմ ստորագրած մի քանի խոշոր ընկերությունների հետ»:
Ֆալկոյի կարծիքով ֆուտբոլային աշխարհը պատրաստ չէ ընդունել գեյերին, հասկանալ նրանց փոխհարաբերությունները: Մինչդեռ, սեռական այդպիսի կողմնորոշում ունեցողները խոցվող են: Նա հիշեցրել է իր կողմնորոշման մասին հրապարակավ հայտարարած աշխարհի առաջին ֆուտբոլիստի՝ ֆրանսիացի Ջասթին Ֆաշանի հետ կատարվածը, որը, չդիմանալով մարզչի ու թիմակիցների ճնշմանը, ինքնասպան է եղել 1998 թվականին:
Աշոտ ՀԱԿՈԲՅԱՆ
