Վանաձորի սպորտային տարբեր ձևերի ֆեդերացիայի անդամները հավաքվել էին որոշելու տարվա 10 լավագույն մարզիկներին: Սկզբից եւեթ մասնակիցների մեջ տարաձայնություն առաջացավ կանոնակարգի մշակման առիթով: Արդեն ցուցակով ներկայացված 10 լավագույն մարզիկների ցանկից դժգոհ էին բոլոր ֆեդերացիաների ներկայացուցիչները: Յուրաքանչյուր անվանակարգից հետո ֆեդերացիայի անդամները վերադառնում էին նույն հարցին, երբ ցուցակոււմ չէր ընդգրկվում իրենց ուզած մարզիկը. «Տարեց-տարի ցուցանիշները փոխվում են, մարզիկներն ավելի լավ ցուցանիշներով են վերադառնում հայրենիք ու ընտրելն ավելի է դժվարանում»,- ասում է ձյուդոյի ֆեդերացիայի անդամ Գևորգ Շահինյանը: Մեծ քննարկում առաջացրեց Համահայկական խաղերի լավագույն ցուցանիշը հաշվի առնելը:
Քաղաքապետ Սամվել Դարբինյանն էլ առաջարկեց ստեղծել սպորտային հիմանադրամ, և ցուցակից դուրս մնացած լավագույններին խրախուսել հիմնադրամից հավաքված գումարով.«Մեր նվազագույն աշխատավարձի դեպքում որտեղի՞ց հիմնադրամ հավաքենք»,- ասում է ըմշամարտի ֆեդերացիայի նախագահ Գագիկ Ղազարյանը: Քաղաքապետն առաջարկեց դիմել բիզնեսով զբաղվող բարեկամ-ընկերների օգնությանը: Վերջապես ներկաները համախմբվեցին մեկ գաղափարի շուրջ՝ հաջորդ տարի ներկայացնել առանձին ցուցակներ, որոնցից մեկում կլինեն 10 մեծահասակներ մարզիկների անուններ, մյուսներում՝ հինգակական անուն՝ երիտասարդների ու պատանիների: Այս դեպքում յուրաքանչյուր մարզիկ իր արժանի տեղը կունենա:
Երկար քննարկումներից հետո ավագանին լավագույն տասնյակը որոշեց հետևալ կազմով: 1-3-րդ տեղերը տրվեցին ձյուդո ըմբշամարտի աշխարհի պատանիների առաջնության, Եվրոպայի գավաթի և Հայաստանի պատանիների առաջնության մրցանակակիր Արսեն Ղազարյանին, Եվրոպայի բռնցքամարտի դեռահասների և պատանիների առաջնության, միջազգային մրցաշարերի մրցանակակիրներ Հրայր Շահվերդյանին և Գառնիկ Պապիկյանին: Մյուս տեղերում կրկին միջազգային մրցաշաշրերի հաղթողներն էին` Սպարտակ Թամարյան, Լավրենտ Գրիգորյան, Սարգիս Կոստանյան, Նինա Ղազախեցյան, Ռոզալիա Ավետիսյան, Նարեկ Պողոսյան, Արտյոմ Բոջուկյան: Խրախուսական մրցանակներ կստանան Խուլերի հունա-հռոմեկան ոճի ըմբշամարտի առաջնության մրցանակակիրներ` Սենիկ և Գևորգ Սերոբյանները, պրոֆեսիոնալ բռնցքամարտիկ Վախթանգ Դարչինյանը, մեծահասակների առաջնության հաղթող` Ժորա Հովհաննիսյանը, ֆուտբոլի առաջնության մարզիչներ Գագիկ Շահբազյան, Արմեն Փիրամյանը:
Կարդացեք նաև
ՆԵլլի ԴԱՎԹՅԱՆ
