Էյմի Մալինզի երկու ոտքերը ծնկից ներքեւ վիրահատել են 6 տարեկանում` ոսկրի բնածին անբուժելի հիվանդության պատճառով: Սակայն դա չի խանգարել նրան` մարզուհու, մոդելի եւ դերասանուհու փայլուն կարիերա ունենալ:
Էյմին ուսանող տարիներին համալսարանական թիմի ուժեղագույն լողորդուհին ու վազորդուհին է եղել, նույնպես անդամահատված Օսկար Պիստորիուսի հետ հանդես եկել Ատլանտայի պարալիմպիկ խաղերում: Որպես գեղեցկուհի Մալինզը համատեղ մասնակցել է հայտնի մոդելյորներ Մաք Քուինի եւ Մեթյու Բարնիի նորաձեւության դիզայներական աշխատանքների ցուցադրությանը: «People» հանդեսի վարկածով, նա տեղ է զբաղեցրել աշխարհի 50 ամենագեղեցիկ կանանց ցուցակում: Էյմին հաջողությամբ նկարահանվել է նաեւ մի քանի ֆիլմերում:
Հիմա 35- ամյա Էյնմին աշխատում է Պենտագոնում, միեւնույն ժամանակ շարունակում զբաղվել նորաձեւության իր բիզնեսով: Նրա պահարանում զգեստների կողքին տարբեր նշանակության մեկ տասնյակից ավելի պրոթեզներ կան, որոնցով ոչ միայն կարողանում է հրաշալի վազել, այլեւ ցուցադրությունների ժամանակ հարկ եղած դեպքում իր 173 սմ հասակը բարձրացնել մինչեւ 185 սմ:
«Հանրահայտ Պամելա Անդերսոնի վրա ավելի շատ պրոթեզներ կան, քան` իմ: Բայց նրան ոչ ոք հաշմանդամ չի անվանում», – ժպիտով ասում է Էյմի Մալինզը:
Աշոտ ՀԱԿՈԲՅԱՆ
