Դեկտեմբերի 2-ին՝ «Լոռու մարզում կովերը սատկել են հիվանդությունից, իսկ դեզերը այրել են դիտավորյալ» լուրով տեղեկացրել ենք, որ Լոռու մարզի Ագարակ գյուղի 3 տնտեսությունն էլ զրկվել է անասնակերից ու գյուղացիները ճար չունենալով՝ մորթում են անասուններին: Լուրերը, թե նրանց պահեստավորած խոտի դեզերը ինչ-որ մեկն այրել է ու սա դիտավորություն է՝ հաստատվել են: Այրվել են Իսկուհի Քոչարյանի անասնակերն ու տան տանիքը, Գեորգի Ջիլավյանի 8 տոննա դեզը:
Տեղեկացրել ենք, որ ոստիկանության Ստեփանավան քաղաքի քննչական բաժնում դեպքերի առթիվ քրեական գործ է հարուցվել՝ ՀՀ քրեական օրենսգրքի 185 հոդվածի 2 մասի առաջին կետով, որը պատասխանատվություն է սահմանում հրկիզման եղանակով ուրիշի գույքը դիտավորությամբ վնասելու համար: Պատիժը՝ մինչեւ վեց տարի ազատազրկում:
Մեր տեղեկություններով, նշված հանցագործությունները կատարելու կասկածանքով ձերբակալվել է Ագարակ գյուղի բնակիչ՝ 1976 թվականին ծնված Հարություն Բարխուդարյանը:
Նախնական վարկածով խոտի դեզերի եւ տանիքի հրկիզման պատճառը հարեւանների անբարյացակամ վերաբերմունքն է եղել:
Կարդացեք նաև
Նելլի ԴԱՎԹՅԱՆ
