ՀՀ նախագահի կայքը` www.president.am-ը ամենավատ կայքերից է: Այս եզրակացության է եկել Խոսքի ազատության պաշտպանության կոմիտեի մոնիտորինգի խումբը: Այսօր «Հայացք» ակումբում կոմիտեի նախագահ Աշոտ Մելիքյանը հրապարակեց պաշտոնական կայքերի մոնիտորինգի արդյունքները, որոնցից պարզ դարձավ, որ ՀՀ նախագահի, ԱԺ-ի, կառավարության, ՍԴ-ի եւ դատախազության կայքերի մեջ ամենավատը president.am-ն է, որը վերջին շրջանում տեղեկատվությունը դարձրել է առավել անհասանելի:
Ի տարբերություն նախարարությունների կամ մարզպետարանների աղյուսակների, որտեղ ցուցակը կազմվել էր լավից վատ սկզբունքով, պետական բարձր գերատեսչությունների աղյուսակը կազմվել էր ըստ Սահմանադրության հիերարխիայի: Aravot.am-ի հարցին`խուսափե՞լ եք նախագահի կայքը աղյուսակի ստորին հորիզոնականում գցել` պարոն Մելիքյանը պատասխանեց. «Ամենեւին ոչ, եթե մենք հաշվի առնեինք այդպիսի բաներ, ուրեմն տվյալները պիտի առհասարակ չհրապարակեինք: Ուղղակի պետք է հաշվի առնել, որ օրենսդիր մարմինը, գործադիր մարմինը կամ դատական ատյանը տարբեր գործառույթներ ունեն եւ նրանց ցուցանիշները համադրելի չեն»:
Հռիփսիմե ՋԵԲԵՋՅԱՆ
