Վահան Հովհաննիսյան֊- Կենդանակերպի նշանը՝ Խլուրդ։
Այս համաստեղության տակ ծնվածների համար շաբաթը հագեցած կլինի հակասական իրադարձություններով։
Երկուշաբթի օրը՝ Բյուրոյի գաղտնի նիստ։ Գիր-ղուշ գցելու միջոցով կորոշեք, թե որ օրերն եք իշխանամետ լինելու, որ օրերը՝ ընդդիմադիր։
Երեքշաբթի օրը կողմ կքվեարկեք հանցավոր իշխանությունների թեկնածուին։ Սկզբունքայնության աճ, վճռական դիրքորոշում։
Կարդացեք նաև
Չորեքշաբթի օրը վարչապետը կհրավիրի խաղի։ Աստղերը խորհուրդ են տալիս հրավերն ընդունելուց առաջ մի թեթեւ անվստահություն հայտնել կառավարությանը։
Հինգշաբթին հագեցած կլինի աշխատանքային քննարկումներով։ «Քվեն ուժ է» ծրագրի շրջանակներում կանցկացնեք սեմինար՝ «Ինչո՞ւ ՀՅԴ-ն ուժ չունի» թեմայով։
Ուրբաթ օրը՝ հանդիպում ընտրողների հետ։ Վերջիններիս բացակայության պատճառով հանդիպումը չի կայանա։ Ծանր դեպրեսիա, Թաթայի համերգի խմբակային ունկնդրում։
Շաբաթը եւ կիրակին կանցկացնեք ծանր գլխացավով:
«Չորրորդ ինքնիշխանություն»
