Հայ ազգային կոնգրեսը իշխանությունների դեմ պայքարի մարտավարությունը սխալ է կազմակերպում. Լեւոն Տեր- Պետրոսյանն ուղղակի լավ քաղաքական գործիչ է եւ փայլուն ելույթներ է ունենում: Այս մասին այսօր «Իրատես de facto» ակումբում կայացած մամուլի ասուլիսի ժամանակ հայտնեց քաղաքագետ եւ բլոգեր Սուրեն Սուրենյանցը: Նրա խոսքերով, շատերն արդեն հիասթափվել են Լեւոն Տեր -Պետրոսյանից, սակայն շարունակում են գնալ հանրահավաքների. «Նրանք հիասթափած են, որ իրենց սպասելիքները չարդարացան, գիտակցում են, որ պայքարը թուլացել է, բայց գնում են, որովհետեւ ուզում են պայքարել»: Ըստ նրա, հարթակում կանգնած ՀԱԿ-ի գործիչները երբեմն պոպուլիստական հայտարարություններ են անում, բայց հանրահավաքներից դուրս նրանք խոստովանում են, թե արտահերթ ընտրությունների ճանապարհը փակ է:
Ս. Սուրենյանցի կարծիքով, ի տարբերություն ՀԱԿ-ի, իշխանության ներսում ամեն ինչ արվում է համախմբված եւ մոբիլիզացված. «ԲՀԿ-ն ու ՀՀԿ-ն տարաձայնություններ ունեն, բայց նրանք համագործակցում են եւ դա չի բերում հակամարտության»:
Խոսելով առաջիկա ընտրությունների մասին՝ Սուրեն Սուրենյանցն ասաց, որ դրանք ավելի լավ են կազմակերպվելու, քան առաջ, քանի որ ինտրիգ կա եւ մրցակցություն. «Խորհրդարանում կուսակցությունների դասավորությունն էապես չի փոխվի: Կարծում եմ, որ ՀԱԿ-ը նույնպես շատ ձայներ կհավաքի»:
Կարդացեք նաև
Անուշ ԽԵՉՈՅԱՆ
