Վերջին մեկ ամսում 3 դատապարտյալներ իրենց մահկանացուն են կնքել սրտի կաթվածից:
ՀՀ արդարադատության նախարարության «Վանաձոր» քրեակատարողական հիմնարկի 26-ամյա դատապարտյալ Արթուր Առաքելյանը դեկտեմբերի 6-ին, ժ. 10:00-ին, «Վանաձոր» ՔԿՀ-ից տեղափոխվել է Վանաձորի թիվ 1 հիվանդանոցային համալիր, որտեղ ժ. 11:20-ի սահմաններում Ա. Առաքելյանը մահացել է: Նախնական ախտորոշումը` սրտի կաթված:
Նշանակվել է դատաբժշկական փորձաքննություն:
Արթուր Առաքելյանը Արարատի եւ Վայոց ձորի մարզի ընդհանուր իրավասության դատարանի կողմից անցյալ տարվա սեպտեմբերի 7-ին դատապարտվել էր 4 տարի 3 ամիս ազատազրկման` ՀՀ քրեական օրենսգրքի 235 հոդվածի 4-րդ մասով (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը), 176 հոդվածի 2-րդ մասով (կողոպուտ):
Կարդացեք նաև
Ռ.Մ.
