Երեկ ՀՅԴ խորհրդարանական խմբակցությունը ԱԺ-ում հանդես եկավ ՀՀ կառավարությանն անգործության համար անվստահություն հայտնելու նախաձեռնությամբ՝ կառավարությանը մեղադրելով 2008թ.-ից ի վեր իր 
նախանշած ծրագրերը չկատարելու մեջ: Կառավարության պատասխանը ներկայացրեց ֆինանսների նախարար Վաչե Գաբրիելյանը, որը վկայակոչելով ֆինանսական համաշխարհային ճգնաժամը՝ ասաց. «Փոթորիկը կարող է դանդաղեցնել առագաստանավի ընթացքը, բայց դրա ուղղությունը չի փոխի»:
«Եթե առագաստանավը գիտի, թե ուր է գնում՝ կարող է բռնել նաեւ այն քամին, որն իրեն համընթաց է:
Իսկ եթե առագաստանավը չգիտի՝ ուր է գնում, ոչ մի քամի էլ համընթաց չի լինելու: Եվ հենց այդ վիճակում է հայտնվել այսօր կառավարությունը: Ո՞ւր էր, թե ուղղությունը լիներ շատ հստակ, եւ այդ պարագայում մենք կասեինք՝ կա ուղղություն, ու բռնած էդ ուղղությամբ 2008-ից հետո էլ շարունակում եք: Դուք ինքներդ եք
ասում՝ 2008-ի ժառանգությունից եք ուզում ազատվել: Փոթորկի ժամանակ եղբայրներից մեկը
Կարդացեք նաև
հողմաղաց է կառուցում, մյուսը՝ վրան: Ո՞րն է ձեր հողմաղացը եւ ո՞րը՝ ձեր վրանը»,- նախարարին
հակադարձեց ՀՅԴ խմբակցության պատգամավոր Արմեն Ռուստամյանը:
«Առավոտ» օրաթերթ
