Հատված Կոտայքի մարզպետ Կավալենկո Շահգալդյանի հետ հարցազրույցից
– 11 տարի մարզպետի պաշտոնում լինելը Ձեզ չի՞ հոգնեցրել։ Կամ գուցե նույն տեղում արդեն լճացե՞լ եք։
– Մի առիթով, ուսուցիչների հետ հանդիպման ժամանակ, ասացի, որ ամենադժվարը պաշտոնավարման առաջին հինգ տարիներն էին, որոնք ինձանից շատ էներգիա ու ժամանակ էին խլում։ Իսկ հաջորդ հինգ տարիներն արդեն հեշտ էին։ Այլևս որևէ բարդություն չկա, մանավանդ որ գործ ունեմ պրոֆեսիոնալ աշխատակազմի հետ։ Յուրաքանչյուրն իր գործը գիտի եւ գրեթե անթերի կատարում է։ Ինձ մնում է հանձնարարել ու վերահսկել: Ամեն հինգշաբթի լինում ենք համայնքներում, շփվում, զրուցում բնակիչների հետ։ Պարարտանյութից սկսած մինչև գյուղտեխնիկա ու ոռոգման ջրի հետ կապված հարցեր են բարձրացնում: Մենք էլ ամեն ինչ անում ենք դրանց լուծում տալու համար։ Այնպես որ, մարզպետի պաշտոնն ինձ չի հոգնեցրել։ Ավելին՝ պատրաստ եմ երկար պաշտոնավարել, մանավանդ որ լի եմ աշխատելու ցանկությամբ ու եռանդով, ուժս տեղն է, առողջությունից էլ չեմ բողոքում։
Հայկուշ ԱՍԼԱՆՅԱՆ
«Հայացք»
