«Հանրապետականը կարող է 80-90% էլ հավաքի, որովհետեւ մենք իրականում ընտրական գործընթացի որակական փոփոխություն չունենք: Շատ հիասթափված եմ պարոն Սերժ Սարգսյանի՝ Րաֆֆի Հովհաննիսյանի առաջարկների արձագանքով: Այդ կարգի կոշտ արձագանքը գործող իշխանության վարկին հարվածեց: Չեմ ուզում վատը տեսնել, բայց այդ վատը միշտ բերում, խոթում են մեր աչքը»,- այսօր «Հայելի» ակումբում, խոսելով ՌԴ Պետդումայի ընտրությունների հետեւանքների, հայաստանյան իրականության եւ քաղաքական դաշտի վրա դրա ազդեցության մասին, ասաց Արցախի նախկին արտգործնախարար Արման Մելիքյանը:
Ըստ նրա, ռուսական Պետդուման ամբողջությամբ ներկայացնում է ռուսական իշխանական վերնախավը եւ ընդդիմադիր ակնարկներ չունի. «Այն սոցիալականացված է., կա մի հատված, որը ներկայացնում է հնի երազանքներով, ապրող արդեն միջին տարիքն անց կոմունիստներին, կա Ժիրինովսկի, որը ներկայացնում է ավելի ազգայնական տրամադրված մարդկանց: «Եդինայա Ռոսիան» եւ «Սպրավիդլիվայա Ռոսիան» առանձնապես իրարից չեն տարբերվում»: Ա. Մելիքյանը կարծում է, որ Հայաստանի պարագայում դեռ կա «Ժառանգությունը», որը դեռեւս կարող է ունենալ պատգամավորական մանդատներ:
ՌԴ Պետդումայի ընտրությունների դիտորդական խմբի անդամ Արտակ Դավթյանը գտնում է, որ այն ինչ կատարվել է Ռուսաստանի Պետդումայի ընտրությունների ժամանակ, ճիշտ չէ պրոյեկտել Հայաստանի վրա. «Տարբեր են Ռուսաստանի ե’ւ մասշտաբները ե’ւ տրամադրությունները»:
Կարդացեք նաև
Լուսինե ԽԱՉԱՏՐՅԱՆ
