Այսօր ժ.12.30-ին Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում, դատավոր Ալվարդ Հունանյանի նախագահությամբ, պետք է լսվեր Արամ Չատինյանի պատիվը, արժանապատվությունը արատավորող տեղեկություններ տարածելու փաստով հերքում ներկայացնելու մասին հայցն ընդդեմ ֆոտոլրագրող Գագիկ Շամշյանի: Ոչ հայցվորը, ոչ պատասխանողը չէին ներկայացել թիվ 4 դահլիճ, ուր պիտի ընթանար դատական նիստը:
Դատավորին այլ բան չէր մնում, քան հետաձգել հայցի քննությունը: Այն նշանակվեց գալիք տարվա հունվարի 23-ին, ժ.12.30-ին:
Ի դեպ, մեր տեղեկություններով, հայցվորի ներկայացուցիչն է փաստաբան Արշակ Թովմասյանը: Հայցում միաժամանակ մի քանի լրատվամիջոցներում առկա տեղեկությունների մասին է ակնարկվում, սակայն հստակ չէ, թե Գագիկի ո՞ր լրատվամիջոցին տրված տեղեկությունները պիտի հերքվեն:
Հավանաբար, հայցվորի ներկայացուցիչը մինչ գալիք դատական նիստը կհստակեցնի իր դիրքորոշումը:
Կարդացեք նաև
Ռուզան ՄԻՆԱՍՅԱՆ
