Հատված Արմավիրի ՀՀԿ-ական մարզպետ, ՀՀԿ Արմավիրի մարզային կառույցի ղեկավար Աշոտ Ղահրամանյանի հարցազրույցից։
– Ինչպե՞ս կբացատրեք վերջին օրերին մարզում ՀՀԿ–ԲՀԿ ներկայացուցիչների սրված հարաբերությունները։
– Ես չէի ասի, որ սրված են։
Կարդացեք նաև
– Բայց օրը ցերեկով մարզում կրակում են, որն ըստ մամուլի՝ դարձյալ կուսակցական հակասությունների պատճառով է։
– Որտե՞ղ են կրակել։
– Ջանֆիդա գյուղում՝ ԲՀԿ–ական պատգամավոր Ռուստամ
Գասպարյանի տան մոտակայքում։
– էդ դեպքում… Գասպարյա՞նն է ասել, որ կրակել են։
– Այդ մասին մոտ մեկ շաբաթ է՝ ամբողջ մամուլն է բարձրաձայնել։ Իսկ Դուք տեղյա՞կ չեք, թե Ձեր մարզում ինչ է կատարվում։
– …Ես տեղյակ եմ ամեն ինչի մասին, բայց կարող է փողոցում ինչ-որ բան եղած լինի, դա վերաբերում է տա՞նը: Ես ամեն ինչից տեղյակ եմ, կարող է ինչ-որ փողոցում կրակոց եղած լինի։ Է հետո՞ ինչ, որ այդ փողոցի վրա Գասպարյանն է ապրում, բացի Գասպարյանից, էդ փողոցի վրա մարդ
չի՞ ապրում։ Եթե ինչ-որ մեկը խուլիգանություն է արել եւ կրակել է, անպայման պետք է հայտնաբերվի եւ պատժվի։ Իսկ ես այն կարծիքին չեմ, որ ՀՀԿ-ԲՀԿ հարաբերությունները… շատ նորմալ են, կարող եք զանգահարել իմ տեղակալին, որը ԲՀԿ է, եւ հարցնել՝ ընդհանրապես այդ հարաբերությունների մեջ որեւէ փոփոխություն կա՞, թե՞ ոչ:
Լուսինե ՇԱՀՎԵՐԴՅԱՆ
«Հրապարակ»
