ՀՀ խորհրդարանը Նիկոյանին ԱԺ նախագահի պաշտոնում ընտրելուց հետո՝ սահուն կերպով անցավ ՀՀ բյուջեի քննարկմանը, որը խորհրդարանում ներկայացրեց ֆինանսների նախարար Վաչե Գաբրիելյանը։
Նրա ելույթից պարզ դարձավ, որ կառավարությունը չի ընդունել Լեռնային Ղարաբաղի միջազգային ճանաչման համար առանձին տողով հատկացումներ անելու մասին «Ժառանգություն» խմբակցության առաջարկը։ Լարիսա Ալավերդյանը դա անընդունելի համարեց՝ կարեւորելով այդ հատկացումը։ Կառավարությունն, ըստ նախարարի, այդ առաջարկը մերժել էր՝ համարելով, թե դա քաղաքական հարց է եւ հենց այդ տեսանկյունից նպտակահարմար չէ բյուջեում նման տող արձանագրել, թեեւ կառավարությունն ամենեւին էլ դեմ չէ ԼՂ միջազգային ճանաչմանը։ Լարիսա Ալավերդյանը պարզաբանեց, որ հատկացումը կարելի էր անել այլ նշմամբ, եթե դա կարող է վտանգել նպատակը։
Նախարարը կարծես տեղի տվեց. «Ուղղակի ձեր կողմից այդ առաջարկն արվել էր որպես՝ համապատասխանաբար եւ անմիջապես ՀՀ կողմից ճանաչմանն ուղղված ֆինանսավորում։ Եթե կան տարընթերցումներ՝ աշխատենք միասին եւ տեսնենք դա հնարավո՞ր է բյուջեում ընդգրկել, թե՞ ոչ»:
Լարիսա Ալավերդյանն իր ռեպլիկում շեշեց, որ կառավարությունը երբեք ԼՂ ճանաչմանն ուղղված միջոցներ չի հատկացրել այդ նպատակի համար, եւ առավել եւս՝ դա չի ներառել նաեւ բյուջեի ուղերձում։
Կարդացեք նաև
Ի դեպ, բյուջեի քննարկումներից ի վեր՝ պատգամավորները նախագծում լրացումներ կամ փոփոխություննեեր անելու վերաբերյալ ներկայացրել են շուրջ 500 առաջարկներ:
Նաիրա ՄԱՄԻԿՈՆՅԱՆ
