Ի՞նչ գործունեություն կարող է ծավալել Սամվել Նիկոյանն ԱԺ նախագահի պաշտոնում՝ Aravot.am-ի հարցին ՀԱԿ կենտրոնական գրասենյակի անդամ Նիկոլ Փաշինյանն ասաց. «Գիտեք, Հայաստանի ամբողջ իրավիճակի նրբությունն այն է, որ Հայաստանում չկա օրենսդիր իշխանություն, չկա գործադիր իշխանություն, չկա դատական իշխանություն, չկա նախագահ: Համատարած սամվելնիկոյաններ են ընդամենը, ուրիշ ոչինչ: Որպես ԱԺ նախագահ՝ Սամվել Նիկոյանի կերպարն ինձ համար այնպիսին է, ինչպիսին կարող է լինել Սամվել Նիկոյանի կերպարը, որպես ԱԺ նախագահ: «Սամվել Նիկոյան» բառակապակցությունը Հայաստանի քաղաքացիների գիտակցության մեջ շատ կոնկրետ ասոցացիա է առաջացնում եւ այդ առումով ես ինձ Հայաստանի քաղաքացիներից չեմ տարբերում: Ինձ մոտ նույն ասոցացիան է առաջացնում»:
Aravot.am-ի խնդրանքին՝ ավելի բացված ներկայացնել իր կարծիքը, Նիկոլ Փաշինյանը հարցով պատասխանեց. «Որ ասում եք՝ «Սամվել Նիկոյան», ի՞նչ եք հասկանում: Այ նույնն էլ ես եմ հասկանում»: Դիտարկմանը, թե Սամվել Նիկոյան ասելով հասկանում ենք ՀՀԿ-ական պատգամավոր, որը մի քանի ամիս է՝ ԱԺ փոխնախագահի պաշտոնն է զբաղեցնում, իսկ այժմ պետք է կատարի ԱԺ նախագահի պարտականությունները, իսկ տակավին պատգամավոր եղած ժամանակ գլխավորում էր «Մարտի 1»-ի դեպքերն ուսումնասիրող խորհրդարանական հանձնաժողովի աշխատանքները, Փաշինյանը հակադարձեց. «Փաստորեն, Նիկոյանի մասին դուք ավելի լավ կարծիքի եք, քան ես»:
Նելլի ԳՐԻԳՈՐՅԱՆ
Կարդացեք նաև
