Անցյալ տարվա դեկտեմբերի 10-ին, ժ. 21-ի սահմաններում, Իջեւանում տեղակայված պաշտպանության նախարարության զորամասում տեղի ունեցած միջադեպի կապակցությամբ հարուցվել է քրեական գործ: Հիշեցնենք, որ խոսքը երկու քաղաքացիների զորամաս մտնելու (դեղ բերելու նպատակով) եւ ծեծկռտուքի մասին է: Հրամանատար Սերգեյ Կարապետյանը քաղաքացիներին հրավիրել էր իր աշխատասենյակ՝ պարզելու, թե ինչ նպատակով են երիտասարդներն այցելել զորամաս: Սակայն քաշքշուկից հետո երբեմնի դիպուկահար-հրամանատարը ծեծի էր ենթարկվել քաղաքացիների կողմից: Հրամանատարը նախազգուշական օդ էր կրակել:
Քրեական գործի դատաքննությունը նշանակվել է Տավուշի մարզի ընդհանուր իրավասության դատարանում:
Ռուզան ՄԻՆԱՍՅԱՆ
