Ըստ France-Presse-ի, Իտալիայի վարչապետ Մարիո Մոնտին, նկատի ունենալով երկրի՝ ահագնացող արտաքին պարտքը (1,9 տրիլիոն եվրո), որը ներկա պահին ամենամեծն է եվրոգոտում, խոստացել է աշխատել առանց աշխատավարձի: Պատասխանելով «Առավոտի» այն հարցին, թե ՀՀ կառավարության անդամների քանի՞ տոկոսը նման քայլի կգնար, ԿԳ նախարար Արմեն Աշոտյանը ասաց. «Միջազգային պրակտիկայում կան այլ օրինակներ եւս, երբ հակառակը՝ տարբեր տրամաչափի ղեկավարներ սկսում են իրենց բոնուսներ գրել, հավելավճարներ տալ… Կարծում եմ՝ այսպես էլ մնա, կարելի է աշխատել: Կարիք չկա ոչ ավելացումների, ոչ էլ աշխատավարձից հրաժարվելու: Ձեզ մոտ պետք է տրամաբանական հարց առաջանա՝ իսկ ինչո՞վ է ապրում հայ պաշտոնյան: Իտալիայի վարչապետի եկամուտների հայտարարագիրը ես չեմ կարդացել, բայց կարծում եմ, որ նա ապրելու այլընտրանքային աղբյուրներ ունի»:
«Առավոտ» օրաթերթ
Կարդացեք նաև
