Այսօր, խորհրդարանում ԱԺ նախագահի թեկնածու Սամվել Նիկոյանին առաջին երկու- երեք հարցերն ուղղեցին «Ժառանգություն» խմբակցության պատգամավորները, այդ թվում՝ Անահիտ Բախշյանը։ Նա միանգամից մի քանի հարցեր ուղղեց ՀՀ ԱԺ ապագա նախագահին. «Դուք խոստացաք, որ ձեր նախագահ լինելու դեպքում խորհրդարանը լինելու է բազմակարծության ամբիոն: Այն, ինչ տեղի ունեցավ անցած արտահերթ նստի ժամանակ՝ կկրկնվի՞ ադյոք, եթե ընտրվեք ԱԺ նախագա»: Բախշյանը նկատի ուներ «Ժառանգություն» խմբակցության պատգամավոր Արմեն Մարտիրոսյանի եւ ՀՀԿ-ական պատգամավոր Առաքել Մովսիսյանի՝ «Շմայսի» լեզվակռիվը:
Նիկոյանին ուղղած նրա մյուս հարցն այս էր՝ ինչպե՞ս եք կազմակերպելու ԱԺ աշխանանքը, որպեսզի այն պատգամավորներին, ում օրինակը հակացուցված է հասարակությանը, հնարավորինս զսպեք, եւ նրանց արարքը ձեր կողմից կստանա՞ պատշաճ գնահատական՝ անկախ նրանից, թե ով է դրա հեղինակը։
Բախշյանի երրորդ հարցը վերաբերում էր ԱԺ-ում քվորումի բացակայության պայմաններում պատգամավորների կողմից այլոց փոխարեն քվեարկելու ավանդույթին: Ձեր օրոք նիստերի դահլիճում ներկա եւ կոճակ սեղմող պատգամավորների թիվն իրար համապատասխանելո՞ւ են։ Մոտավորապես այս էր տիկին Բախշյանի հաջորդ հարցադրումը:
Նիկոյանի պատասխանները՝ տեսանյութում:
Կարդացեք նաև
[/video]
