Ճշտվել է ավտովթարի վիրավորների ինքնությունը

Ինչպես արդեն հաղորդել ենք՝ այսօր` դեկտեմբերի 5-ին, ավտովթար է տեղի ունեցել Արմավիրի մարզում, իրար են բախվել «ԲՄՎ» մակնիշի 30 ՕԼ 536 համարանիշի եւ «Մերսեդես» մակնիշի 20 ԼՏ 124 համարանիշի ավտոմեքենաները:

«ԲՄՎ»-ն վարել է Արմավիր քաղաքի բնակիչ, 47-ամյա Արտաշես Մարգարյանը, իսկ «Մերսեդես»-ը` Արմավիրի մարզի Խանջյան գյուղի բնակիչ, 26-ամյա Վարշամ Պոչիկյանը:

Բախման հետեւանքով երկու ավտոմեքենաների վարորդներն ու ուղեւորները` 6 հոգի, մարմնական վնասվածքներով տեղափոխվել են Արմավիրի հիվանդանոց:

Բացի վարորդներից` հիվանդանոց են տեղափոխվել.

1. Սյուզաննա Մարգարյանը, 20 տ, Արմավիր քաղաքի բնակիչ, «ԲՄՎ»-ի ուղեւոր,

2. Տաթեւիկ Հակոբյանը, 18 տ, Արմավիրի մարզի Խանջյան գյուղի բնակիչ, «Մերսեդես»-ի ուղեւոր,

3. Լուսինե Արոյանը, 18 տ, Արմավիրի մարզի Խանջյան գյուղի բնակիչ, «Մերսեդես»-ի ուղեւոր,

4. Մարիամ Հակոբյանը, 18 տ, Արմավիրի մարզի Խանջյան գյուղի բնակիչ, «Մերսեդես»-ի ուղեւոր:

Լուսանկարները` Գագիկ Շամշյանի