Այսօր ՀՀ ԱԺ չորրորդ գումարման 10-րդ նստաշրջանի օրակարգում որպես պարտադիր եւ ըստ անհրաժեշտության քննարկվող հարց՝ լրացուցիչ ընդգրկվեց ՀՀ ԱԺ պետաիրավական հարցերի մշտական հանձնաժողովի եզրակացությունը՝ 2008թ. մարտի 1-ին Երեւան քաղաքում տեղի ունեցած իրադարձությունների եւ դրանց առաջարկությունների կատարման ընթացքի մշտադիտարկման վերաբերյալ հանձնաժողովի եզրակացության կատարման ընթացքին վերաբերյալ։
Օրակարգի հաստատումից առաջ «Ժառանգություն» խմբակցության պատգամավոր Ստեփան Սաֆարյանը 20 րոպե ընդմիջում խնդրեց ։ Այդ ընթացքում նա փորձեց բանակցել բնապահպանության նախարարի հետ՝ նստաշրջանի օրակարգում ընդգրկված օրինագծի՝ Շրջակա միջավայրի վրա ազդեցության մասին։ Ու մինչ Սաֆարյանը նախարարի հետ բանակցում էր՝ 20 րոպեանոց ընդմիջումն ավարտվեց ու քվեարկույամբ օրինագիծն ընդգրկվեց օրակարգում։
