Տավուշի մարզի Նոյեմբերյանի տարածաշրջանի սահմանամերձ Դովեղ գյուղում արդեն 4 տարի է, ինչ գործում է նախակրթարան, ուր այցելում են 20 երեխաներ: Նախակրթարանի տնօրեն Էմիլիա Դուրինյանն ասում է, որ չնայած կրթօջախը 4 տարեկան է, սակայն նախադպրոցական հիմնարկության կարգավիճակ չունի, տեղական բյուջեից միայն ինքն է ստանում աշխատավարձ: Նախակրթարանը սեփական տարածք չունի, տեղավորված է համայնքային կենտրոնի շենքում: Գյուղի նախկին մանկապարտեզի շենքը նորոգելու համար գումարներ չկան:
Կառավարությունը մշակել է նախադպրոցական համակարգի 2010-2015 թվականների զարգացման ռազավարությունը, որով նախատեսվում է բյուջեից գումարներ տրամադրել համայնքային ենթակայության նախադպրոցական հաստատություններին: Սակայն, ինչպես հայտնեց տիկին Էմիլիան, Տավուշի մարզը դեռեւս ընդգրկված չէ այդ ծրագրում:
Ոսկան ՍԱՐԳՍՅԱՆ
