80-ականների վերջից եւ 90-ականներին հայտնի «Գթություն» բարեգործական միության նախագահ Խաչիկ Ստամբոլցյանը, որն այսօր հրապարակներում չի երեւում՝ մեզ հետ զրույցում հավատացրեց, որ ամենեւին էլ պասիվ չէ: «Ես պասիվ դիրք չեմ գրավել: Պարզապես շատ ճանապարհներ ինձ համար փակ են: Բայց ես ամեն հնարավոր միջոցներով փորձում եմ արձագանքել քաղաքական այս կամ այն իրավիճակին: Կա մարդկային, հարաբերական ճշմարտություն, երբ ամեն մարդ իր ճշմարտությունն ունի եւ կա բացարձակ` Աստվածային ճշմարտություն: Ես միշտ, ամեն բան դիտում եմ Աստվածային ճշմարտության լույսի տակ»,- ասաց Ստամբոլցյանը:
Նա տարբեր ժամանակներում այս կամ այն ձեւով գործակցել է ՀՀ բոլոր երեք նախագահների հետ եւ բոլորի մասին իր կարծիքն ունի, ըստ որի Լեւոն Տեր-Պետրոսյանը ծույլ է, Ռոբերտ Քոչարյանը` դաժանաբարո եւ ագահ, Սերժ Սարգսյանը` անզոր իր օլիգարխիկ շրջապատի դեմ:
Խաչիկ Ստամբոլցյանը վստահ է, որ Հայ ազգային կոնգրեսը «Սորոսի» հիմնադրամի նախագիծն է, իսկ ԱՄՆ պետքարտուղար Հիլարի Քլինթոնը` համաշխարհային խառնակիչ տիկին:
Կարդացեք նաև
Նելլի Գրիգորյան
Առավել մանրամասն վաղվա «Առավոտում»
