« Armenians Against Azeri and Turkish Vandalism on Youtube» խումբը ստեղծվեց քննարկումներից մեկի ժամանակ, որոշում էին՝ ինչպես ոչնչացնել այն նյութերը, որոնք ստեղծվում և տեղադրվում են մեր «թշնամիների» կողմից: Պատմում է խմբի ադմիններից Աշոտ Հովհաննիսյանը: Արդեն 4 ամիս է՝ այս խումբը գործում է Facebook.com սոցիալական ցանցում: Աշոտը պատմում է , որ Խորեն Խորխոռունու և քննարկողների ջանքերով ստեղծվեց խումբը. «Մենք այստեղ տեղադրում ենք միայն հակահայկական նյութեր , որպեսզի խմբի անդամներին տեսանելի լինի ու բոլորս միասին մտնում ենք Youtube ռեփորթ անելու»: Այս ճանապարհով խմբի անդամներն ցանկանում են վերացնել այն տեսահոլավակները եւ այլ նյութերը որոնք «ստեղծել են» ադրբեջանցիները եւ թուրքերը եւ տարածել համացանցում:
Խմբի պատին գրվածն էլ հավաստում է այդ մասին. «Խմբի նպատակն է համակարգել ջանքերը և միասնական գործողություններով պայքարել Youtube-ում ադրբեջանցիների, թուրքերի և հայ ժողովրդի մյուս թշնամիների կողմից տեղադրվող ստահոդ վայրահաճություններ ու կեղծիքներ պարունակող հակահայկական տեսահոլովակները չեզոքացնելու ուղղությամբ»: «Ունենք բազմաթիվ հաղթանակներ, եղել են դեպքեր, որ ակաունտն են փակել , որոշ դեպքերում էլ նյութն են ջնջել»,- – պատմում է խմբի ադմինը:Ասում է այս 4 ամիսների ընթացքում խմբում արդեն 2000-ից ավելի մասնակիցներ ունեն: Խոստովանում է՝ խմբի մասնակիցներն են ակտիվ: «Կխնդրեի նաև ընթերցողներն իրենց ջանքերը ներդնեն այս գեղեցիկ առաքելության մեջ»,- ասում է Աշոտը:
Մելանյա Հարությունյան
