Վինգսյուտը պարաշյուտային սպորտի համեմատաբար նոր տարատեսակներից է, որն սկսել է արագ տեմպերով մեծ մասսայականություն վայելել, որովհետեւ այն լիովին բավարարում է մարդ արարածի հազարամյակների երազանքը` ազատ ճախրել երկնքում: Իսկ դրա համար անհրաժեշտ է ունենալ մեծ կամք, ամուր սիրտ, համապատասխան ամուր կտորից «թեւավոր» մարզահագուստ, փոքրիկ պարաշյուտ եւ ամենակարեւորը` համարձակություն: Այս բոլորի առկայությամբ ճախրանքի հաճույքը վայելելու եւ ադրենալինի պակաս, հաստատ, չէք ունենա: Միայն թե, անհրաժեշտ է վերջում հասցնել պարաշյուտը բացել:
