Այսօր «Թումո» ստեղծարար տեխնոլոգիաների կենտրոնում ՀՀԿ-ի տնտեսական սեմինարին վարչապետ Տիգրան Սարգսյանը, խոսելով Հայաստանի արտահանմանն ուղղված արդյունաբերական քաղաքականության մասին, նշեց, որ մակրոտնեսական գրագետ քաղաքականություն են արել ու 96 թվականից մտել են զարգացման նոր փուլ: «Հայաստանը, դառնալով ԱՀԿ անդամ, բաց տնտեսության կանոններով է շարժվում: Մենք ունեինք էական շեղում մակրոտնտեսական եւ միկրոտնտեսական կարգավորման մեջ: Հայաստանը, գտնվելով աշխարհաքաղաքական բարդ տարածաշրջանում, առնչվոմ է բազմաթիվ ռիսկերի հետ, որոնք մեծ ազդեցություն են թողնում տնտեսության վրա:Մենք ունենք կարեւորագոյն պրոբլեմ` հաղթահարել կարճ ժամանակահատվածում աղքատությունը: Տարբեր գնահատականներով այն մոտենում է 30%-ի, իսկ ծայրահեղ աղքատների թիվը` շուրջ 15% է»:
Ըստ վարչապետի, խնդիր ունենք նաեւ աշխատուժի հարցում. «Ունենք ծերացող հասարակություն, պատճառներից մեկն այն է, որ Հայաստանը լքել են երիտասարդ միգրանտներ եւ առավել կրթվածներ, որոնք կարողանում էին կարճ ժամանակահատվածումաշխատանք գտել այլ երկրներոմ»:
Հռիփսմե ՋԵԲԵՋՅԱՆ
