«Մեր ներքաղաքական կյանքում ռուսական դերակատարությունը մի քիչ չափազանցված է: Պետք է դատել քայելով ու գործողություններով, ոչ թե խոսքերով ու հայտարարություններով: Ռուս դիտորդները միշտ ընդունում ու ստորագրում են Հայաստանի ընտրությունների արդյունքների տակ, ուտուշ-խմուշից հետո էլ գնում են Մոսկվա»,- այսօր «Սլաք» մամուլի ակումբում ասաց քաղաքագետ Սերգեյ Շաքարյանցը:
Հիշեցնենք, որ վաղը՝ դեկտեմբերի 4-ին, կայանալու են Ռուսաստանի Դաշնության 6-րդ գումարման խորհրդարանական ընտրությունները: Խոսելով Հայաստանի վրա ռուսական գործոնի ազդեցության մասին՝ քաղաքագետը նշեց, որ այդ գործոնը մեծ է ոչ միայն Հայաստանի վրա, այլեւ՝ միջազգային կյանքում. «Այդ գործոնն առկա է նույնիսկ այնտեղ, ուր դժվար է պատկերացնել: Թույլ է, թե ուժեղ Ռուսաստանը, դա կապ չունի, այն ներկայացված է նույնիսկ Լոնդոնում: Ռուսաստանն այն երկրներից է, որ երբեք չի կորցնում իր համաշխարհային նշանակությունը»:
Կարդացեք նաև
Անդրադառնալով Հայաստանի ներքաղաքական կյանքում Ռուսատանի դերակատարությանը՝ քաղաքագետը կարծիք հայտնեց, թե դա ամենաքիչն է հետաքրքրում Ռուսաստանին, քանի որ, ըստ նրա, մինչ օրս չի եղել մի դեպք, երբ Ռուսաստանը չճանաչի Հայաստանում անցկացված ընտրությունները: «Մեր ներքաղաքական կյանքում ռուսական դերակատարությունը մի քիչ չափազանցված է: Պետք է դատել քայելով ու գործողություններով, ոչ թե խոսքերով ու հայտարարություններով: Ռուս դիտորդները միշտ ընդունում ու ստորագրում են Հայաստանի ընտրությունների արդյունքների տակ, ուտուշ-խմուշից հետո էլ գնում են Մոսկվա»,- ասաց քաղաքագետը:
Լուսինե ԽԱՉԱՏՐՅԱՆ
