Երեկ Տաշիրում Կարեն եւ Սամվել Կարապետյանների մոր՝ Ամալյա Կարապետյանի քաղաքացիական հոգեհանգստին ներկա է եղել Հայաստանի գրեթե ողջ քաղաքական եւ տնտեսական վերնախավը՝ Սերժ Սարգսյանի գլխավորությամբ: Այնտեղ է եղել նաեւ Դուբայից նոր վերադարձած Գագիկ Ծառուկյանը, ով երկար ժամանակ կանգնած է եղել Կարապետյանների կողքին: Ինչ վերաբերում է Ռոբերտ Քոչարյանին, ապա նա, գոնե մինչեւ ուշ երեկոյան, չէր այցելել: Սամվել Կարապետյանի հետ Տաշիր են եկել նաեւ մեծ թվով ռուսաստանցի գործարարներ: Ինչպես տեղեկացանք՝ Հանրապետական կուսակցության մեծ մասը երեկ մնացել է Տաշիրում՝ այսօր Ամալյա Կարապետյանի հուղարկավորությանը մասնակցելու համար:
«Ժողովուրդ»
