«Մոսկվա» կինոթատրոնում կայացավ Արթուր Բախտամյանի հեղինակային ֆիլմի շնորհանդեսը: «Հաբեշական օրագիրը» ընդհանուր առմամբ որոնում է և ճանաչման եզր գտնելու ցանկություն այն հսկա մշակութային դաշտի հետ, որը կոչվում է Եթովպիական մշակույթ կամ Հաբեշական կայսրություն:
«Ֆիլմի գաղափարը առաջանում է, երբ մարդ ունի ընկերներ, ովքեր հետաքրքրվում են հայկական անցուդարձով, հետքերով: Իմ բարեկամներից մեկը պատմում էր եթովպիական վաղ շրջանի` 20-րդ դարի սկզբի մասին: Ինձ շատ հետաքրքրեց այդ պատմությունը: 3 տարի անցավ: Որոշեցի` գնալ և ինքս տեսնել»,- ասում է Արթուր Բախտամյանը:
Ֆիլմը տուրիստական հայացք է` երկար ժամանակվա հետազոտություն և միջավայրին խորապես ծանոթանալու ցանկություն: Հիմնական հարցերից մեկը, որ հետաքրքրել է` ինչու՞ են հայերը եկել Աֆրիկա:
Սա հեղինակին տվել է մեծ իմացություն, որ բացի մեր լեռներից և մշակույթից` կա նաև մեկ ուրիշը:
Արամ Արարատյան
