Ամերիկացի բռնցքամարտիկ Մեթ Ռեմիլարդը բեյսբոլի մականով դաժան ծեծի է ենթարկել իր սիրուհու` Դանիելա Նապոլիտանոյի նախկին ընկերոջը, որի համար դատապարտվել է 5 տարվա ազատազրկման:
Գանգոսկրի, կողերի ու ձախ ձեռքի բազմաթիվ կոտրվածքներ ստացած տուժողին, որի անունը Ջոն Էվանս է, անհրաժեշտ է եղել ենթարկել բարդ վիրահատության լ: Երբ հանգամանքների բերումով Ռեմիլարդը եւ Էվանսը միեւնույն ժամանակ հայտնվել են Դանիելայի կողքին, բռնցքամարտիկը ագրեսիվ ոճով «մրցակցին» ստիպել է հեռանալ: Սակայն մի կարճ ժամանակ անց Էվանսը աղջկանից SMS է ստացել, որում նա ներողություն խնդրելով տեղի ունեցածի համար ետ է հրավիրել` հավաստիացնելով, որ արդեն տանը մենակ է… Արդեն դատարանում Էվանսը հայտարարել է, թե տուն մտնելուն պես Ռեմիլարդից բեյսբոլի բիտայով ուժգին հարված է ստացել, իսկ ծեծին մասնակցել են նաեւ աղջկա եղբայրն ու զարմիկը` Ադամն ու Ռիչարդը: Իսկ ինքը` Դանիելան այդ ամենին հետեւում էր բավարարվածի հայացքով:
Հանցագործին հինգ տարվա ազատզրկում սահմանելը տուժողը նրան նվեր է որակել. Էվանսի գլխին ու դեմքին բժիշկները 150 կար են դրել, իսկ կոտրված ոսկորները հավաքելու համար օգտագործել են տասնյակ մետաղյա թիթեղներ եւ ձողեր:
Աշոտ ՀԱԿՈԲՅԱՆ
