Հայ ազգային կոնգրեսի համակարգող Լեւոն Զուրաբյանը ս/թ նոյեմբերի 29- ին նամակով դիմել Է եվրոպական մի շարք կառույցների ղեկավարների։
Նամակը ուղղված Է մասնավորապես՝ Եվրոպական խորհրդարանի նախագահ Եժի Բուզեկին, Եվրոպական խորհրդարանի ԵՄ–Հայաստան պատվիրակության նախագահ Միլան Գաբրնոխին, Եվրոպական խորհրդարանի ԵՄ–Հայաստան պատվիրակության փոխնախագահ Վիտաուտաս Լանսբերգիսին, Եվրոպական խորհրդարանի ԵՄ–Հայաստան պատվիրակության փոխնախագահ, տիկին Մոյցա Կլեւային։
Պատճենը՝ Ընդլայնման եւ Եվրոպական հարեւանության քաղաքականության հանձնակատար պարոն Շտեֆան Ֆուլեին։ Նամակը ներկայացնում ենք ստորեւ՝ ամբողջությամբ։
«Հայ ազգային կոնգրեսի՝ 18 կուսակցություններ միավորող քաղաքական խորհրղի կողմից իմ հիասթափությունն եմ ցանկանում արտահայտել Եվրանեստի համանախագահ Քրիստիան Վիգենինի հայտարարությունների կապակցությամբ։
Այն պայմաններում, երբ միջազգային հանրությունը եւ, մասնավորապես, Եվրոպական Միությունը, առանձնահատուկ կարեւորություն են տալիս Հայաստանում ազատ եւ արդար ընտրությունների անցկացմանը եւ նշանակալի ֆինանսական ու քաղաքական աջակցություն են ցուցաբերում այդ նպատակի համար, մեր գնահատմամբ՝ շատ կարեւոր կաոույց հանդիսացող «Եվրանեստի» համանախագահը հանդես է գալիս միակողմանի հայտարարություններով, որոնք, փաստորեն, կանխորոշում են ընտրությունների արդյունքը։ Նոյեմբերհ 11-ին «Պանարմենիան» կայքին տված իր հարցազրույցում, խոսելով ընտրությունների մասին, Ք. Վիգենինը եզրակացնում է. «Մենք հուսով ենք, որ ընտրությունները ՀՀ–ում կհամապատասխանեն ԵԱՀԿ չափանիշներին, կլինեն ազատ եւ արդար… Կարեւոր Է նաեւ, որպեսզի արդյունքը համապատասխանի ժողովրդի կամքին… Ես վստահ եմ, որ նրանք, ովքեր պարտություն կկրեն, իշխանություններին են մեղադրելու անարդարության մեջ, բայց կարեւոր Է, որպեսզի այդ մեղադրանքները անհիմն չլինեն»:
Այսպիսով, Եվրանեստի նախագահը հրապարակային հայտարարում Է, որ ակնկալում Է, որ ընտրություններին հաղթելու են իշխանությունները: Նման հայտարարությունը ակնհայտորեն հակասում Է ժողովրդավարության կոնցեպտին, որի համաձայն՝ ժողովուրդը պետք Է որոշի, թե ով Է հաղթելու ընտրություններում։ Դրանով Վիգենինը գերազանցել Է իր լիազորությունները, բացահայտորեն արհամարհելով անկողմնակալության հիմնարար սկզբունքը, մատնանշելով իշխանություններին որպես հաղթող՝ նա անպատեհ միջամտել է Հայաստանի ներքին գործերին: Նկատի ունենալով Եվրանեստի հեղինակությունը, վերջինիս ուղիղ կապերը Եվրոպական խորհրդարանի հետ եւ առնչությունը ԵՄ-ին, նշյալ հայտարարությունը ՀՀ վարչակարգի կողմից ներկայացվում է որպես առաջիկա ընտրություններին ԵՄ պաշտոնական դիրքորոշում։
Մենք նաեւ ցանկանում ենք նշել, որ ոչ Եվրանեստը, ոչ էլ ԵՄ պատվիրակությունը Հայաստանում չեն մեկնաբանել նշված հարցազրույցը՝ դրանով իսկ հաստատելով հայտարարության ճշմարտացիությունը: Ձեր ուշադրությունը դարձնելով այդ փաստի վրա, խնդրում ենք ձեռնարկել միջոցներ՝ ապահովելու ԵՄ կառույցների անկողմնակալությունը Հայաստանի համար նման զգայուն հարցերում»:
«Հայկական ժամանակ»
