«Ինչո՞ւ պիտի պատժվի։ Չեմ կարծում»,- երեկ այսպես է պատասխանել Գալուստ Սահակյանը «ՀԺ»-ի հարցին, թե՝ ՀՀԿ-ն չի՞ պատրաստվում պատժել Առաքել Մովսիսյանին, որ նախօրեին ԱԺ նիստում հայհոյել Էր Արմեն Մարտիրոսյանին։
«Ես կարծում եմ, Առաքել Մովսիսյանը չլիներ, կարող է մեկ ուրիշը լիներ, որովհետեւ կարելի՞ է 2 օր անընդհատ խոսել ամեն ինչից, բացի արտահերթ նիստի օրակարգից։ Արհամարհական կանգնում են, խոսում, խոսում, մեկ Էլ ասում, թե ՀՀԿ–ն հավաք Է անում դպրոցներում, իրենց էլ չեն թողնում՝ չմտածելով, որ այդ տնօրենների մեծ մասը, որ ՀՀԿ–ի կադրային բանկի միջոցով կարողացել են տնօրեն դառնալ, հիմա մեզ հետ Էլ չեն, առավել եւս, հենց «Ժառանգությունը» ոչ միայն գնում Է դահլիճ պահանջելու դպրոցներից, այլեւս ստիպում են տնօրենին, որ ծնողներ բերեն»,- ասաց Սահակյանը։ Քաղաքական գործունեությունը, ըստ Սահակյանի, ամբախ-զամբախ խոսելու մեջ չէ, եւ եթե այսպես շարունակվի, հայհոյանքներն էլ կավելանան, բռնկումներն էլ։ «Խորհրդարանը դեբատների տեղ է եւ նիստերի դահլիճում նույնիսկ եթե անզսպություն է տեղի ունենում, ես չեմ կարծում, որ դա հանցագործություն է»,– ասաց Գալուստ Սահակյանը։
«Հայկական ժամանակ»
